أغنية على شانك

على شانك أجيلك دوم ولجلك أتعنالك
تراني ما تعنى لغير شخص له غلا فيني
وقلبي يسبق الخطوة قبل لا رجلي تمشالك
أنا يا قلبي أتشرف مدامك حيل تغليني

هدية لك من أشواقي وقلبي دوم يصفالك
تخيل شوف هالدنيا صغيرة وتكبر بعيني
سحابة طيب أرسلها وأنشدها عن أحوالك
وماي الورد والعنبر مطر للي يوافيني

ترا بحر الغرام ألوان تشيله يوم أهو شالك
أنا أنسى إللي يتناسا وأحب إللي يصافيني
عسى الله ما يحرمك يوم ويحقق إللي في بالك
وخلي دنيتك فرحه وأخبارك توافيني
كلمات الشيخ صباح الناصر الصباح
الحان عصام كمال