أغنية الصبح دق الباب
لطيفة
كلمات اغنية "الصبح دق الباب"
الصبح دق الباب
أفتح ألاقي جواب
مشبوك في صحبة ورد
بيسأل وبيشرح الأسباب
ليه الغياب ليه ليه
ليه العذاب ليه ليه
من غير عتاب
رقصت رقصت من الفرحة
من الفرحة رقصت
أصل الهوى غلاب
من قبل ده المرسال
مريت على أهوال
وبقيت حالي حال
خاف الظلام منه
حيرانة مالي دليل
صابرة وصبري قليل
مادام حبيبي جميل
وماليش غنى عنه
ملا عليا حياتي
وبقيت بشوفه يوماتي
وفجأة اختفى
ايه اللي جرى ياخواتي
لكن أقول الحق يا حبيبي قلبك رق
والخير سبق والباب دق
رقصت رقصت من الفرحة
من الفرحة رقصت
أصل الهوى غلاب
جاني جاني
جاني جاني جاني
جاني ملاني حنان
وحنين ولهفة كمان
ورد ف ورق سوليفان
أبيض على بمبي
الأبيض يقوللي سماح
يوعدني بالأفراح
والبمبي خدني وراح
لحبيبي وروح قلبي
أقولله اوعاك تاني
تكون سبب أحزاني
دانا شفت يوم هدني
لكن أقول الحق يا حبيبي قلبك رق
والخير سبق
والباب دق
رقصت رقصت من الفرحة
من الفرحة رقصت
أصل الهوى غلاب