أغنية عذب

عذب رعاك الله يا سمح الأقبال
ربي على كف الغلا لك وضعني
إن رحت بثياب الجفا البيض تختال
رحب الفضا اللي واسع ما وسعني
غريب حب و شفت أنا منك الأهوال
هم ينزلني و هم رفعني
بعدك يضر الحال و يضيق البال
و قربك أبد طول الدهر ما نفعني
أتبعك راحل يا حبيبي و نزال
حب يريضني و حب دفعني
معك إنت درب الصبر يا صاحبي طال
حظ يقربني و حظ منعني
راح العمر بين التصدد و الإقبال
و مدري وش اللي يا هوى البال تعني
طب لي تطيب الحال يا طيب الفال
و إلا تكرم حب غيري و دعني
إما استدار الوقت من حال لي حال
و إلا شريتك كل ما قلت بعني
أسقيت من مر الصبر زهر الآمال
و الحظ بك يا صاحبي ما جمعني
ما والله أسمع فيك ناصح و عذال
و أنا إن شكيت الحال محد سمعني