كلمات اغنية "أنا قلبي عليل"
أنا قلبي عليل ومالهوش دوا
غير بس هواك مش أي هوا
أرجع تاني ورجع تاني
عقلي وروحي وقلبي سوا
وعد ومكتوب ده ولا قضا وقسم ونصيب
أني أفضل أدوب وأطلب برضا عطفك يا حبيب
م أنت على طول دائي ودوايا
ف إديك وعنيك فرحتي وشقايا
وطبيعي تكون من جرحي شفايا
أنا ياما كتير غيرت هوا ورحلت بعيد
بس التغيير مانفعش دوا ولا كان بيفيد
وأديني بعيش الليلة ليالي
ولا جد جديد من طول ترحالي
وآهين يا سلام لو تعرف حالي