أغنية يا خفوقي

يا خفوقي علامك جامح بالغلايق
بعد سود الليالي يستهل الصباح
قدر الله يبلي عبده اليوم ضايق
فرج الله بلوى خافقي بالبراح
كيف يهنا ضميري والحشى به حرايق
والهموم التوالى والحزن ما يزاح
بين فرحي وبيني ألف عايق وعايق
والقدر خان حظي كان واقف وطاح
عابس حيل وجهي بايت الليل فايق
قد بدى لي خفوقي مابه إلا الجراح
يا سجين الحنايا والمشاعر طلايق
قد تسير المراكب عكس سير الرياح
شوف بلوات غيرك واقتنع بالحقايق
من يرى هم غيره صار همه مزاح
لا تعد الثواني واهتني بالدقايق
ما يعود الزمن ذا لا تعدى وراح