أغنية تبي الصراحه

تبي الصراحة بعد ما رحت مرتاح
لا دمعة هلت ولا ضاق بالي
ما قد بكت عيني على غالي راح
ما اطرد ورى المقفي لو كان غالي
اعزي نفسي والصبر عندي سلاح
ولا التفت ساعة على اللي مضالي
اخفي سواليف الغلا بين الأرواح
في دمعتي في ضحكتي في خيالي
وش عاد قلبي لو غدى نصفه جراح
والنصف الآخر في أيدينك ليالي
تمضي حياتي بين ساكن ونزاح
والعمر يمضي بين مر وحالي
أشوف كل الكون في عيوني أفراح
ولو أن عمري في أيدين الزوالي
أقولها يا ناس الحب فضاح
كم واحد دارت عليه الليالي