كلمات اغنية "كل يوم يمر"
كل يوم يمر من عمري ضياع
يابعيد ضعت في شك ويقين
كل شي يقول لي هذا وداع
والزمان يعذب القلب الحزين
انت القمر بليلي والشعاع
وانت الحب الخفي والمستكين
كل شي بدونك مدري كيف ضاع
كيف غابت شمس حبك والحنين
بين عقلي فيك والخافق صراع
وبين بسماتي عذابات الانين
الله اكبر كيف غبت باقتناع
وانتهى حبي على طول السنين
مابقى من عقب طول الانقطاع
وانتحار الشوق لجل العاشقين
مابقى إلا بس مجداف وشراع
ودمعه تركض على رمش وعين
ابتعد مالي على البعد امتناع
ومثل مانت بتقرب بتبعد بعدين
كيف ابطلب عقب ماغبت اجتماع
كيف ابرضى عقب هذا تقول ترجعين