أغنية تعاتبني

تعاتبني على غلطة زماني
وانا مابي من الحسره كفاني

تعاتبني وانا ويش في يديني
نهيت القلب لكنه عصاني

معي لك قصة الحب الحقيقي
غرام بيننا مات بثواني

وفا بس الوفاء صعب المناله
غدى بعض الوفاء وهم واماني

زمان الصمت يا وقت العجايب
كفاني ما جرا منك كفاني

مصير اللي بعيد الدار يرجع
ومصير اللي يغيب يعود ثاني

سنين عايشه باحضان ذكراه
نسيت الحب لكن ما نساني

انا مابي عتاب ولا ملامه
اريد اودعك وارجع مكاني

سراب الوهم ما يغري عيوني
خلاص اليوم ابي باقي حناني

واعود مثل ما قد جيت يمك
ادور في بحر عمري مواني