أغنية فراكك

عيش الدمعه ويذله صعب من حبك اتخله صعب انسى

عيش الدمعه ويذله
صعب من حبك اتخله
صعب انسى

احبك حب ولا مثله
لا بعده ولا كبله
روحك ماتظل عدله
اذا تحسه

واموتن بيك واحب طاريك
وابجي الروح ومابجيك
كتلني الشوك ورب الفوك
انا بدونك اظل مخنوك

ومثل اللي فكد امه
صباحي ينكلب ظلمه
كلبي المنك تحرمه
كره هسه

اكدر انسى احبابي
على روحي اسد بابي
ابعد واعلن غيابي
اذا تزعل

احبك موت وعيونك
اخون الدنيا ماخونك
يلي يومي من دونك ولا يكمل

واذوبن من عليه اتحن
وانام الليل مطمن
اطيرن بالسمى وانزل
ومن حبك ابد ماامل

مساءي روعه اذا شفتك
يلي بالكلب شلتك
افرح حيل اذا لمستك
ولو لمسه

شفت البحر وشكبره
شفت النجم وشكثره
كد ما بالكلب حسره احبنك

كد احساسي بالحيره
مصيبه تصيرلي جبيره
اذا كلبي يحس غيره
وصل يمك
واظل مهموم واعوف النوم
منك لو اظل محروم
وموت يصير اذا تبعد
واذا رديتك روحي تكوم

بدونك مدري شلوني
ادعي وانت من دوني
ربي احفظه لعيوني
والي حرسه