أغنية زهرة

كانت صبية بقلب اخضر زهر فى وسط الشوك بتكبر

كانت صبية بقلب اخضر

زهر فى وسط الشوك بتكبر

شايفة الحياة صافية وبريئة

ومتعرفش ايه المقدر


من صغرها كانت بتحلم

زى كل البنات بترسم

عروسة لابسه فستان وطرحة

بس اللى حلم غير اللى فسر


قابلت ولد حبت كلامه وشدها

ايو بهتمامه صدقت

مكنتش عارفة مخبى ايه


فى ناس كتير الشر فيها

والمظاهر بتداريها

وزهره مش شايفة

الوش الحقيقى ايه


الطيبة دى متغركيش

مهما يقول متصدقيش

ده مفيش اسهل من الكلام


انتي اصلا مش فارقة عنده

انانى وبيفكر فى نفسه

يومين وهيقولك سلام


وفى يوم ولا كان يخطر فى بالها

قالها كلام وجعها

وببساطة الندل باعها

سابها غرقانة فى دموعها


لما من غير ذنب سابها

ابتدا يزيد اكتائبها

حست ان خلاص

مفيش خير فى البشر


صدمة صعبة جت فى ثانية

حولتها لواحده تانية

اصل اول جرح سهل يسيب اثر


اوعى تبكى مهما شوفتى

فى الحياة مكتوب يا بنتى

ننجرح علشان نشوف


عيشى احلامك زى ما انتى

قومى تانى لو وقعنى

مهما كانت الظروف