أغنية لو تسمعينى مع شريف الهواري

ما بين لقانا والفراق كانوا ثانيتين

ما بين لقانا والفراق كانوا ثانيتين

ما بين فراقنا واللقا سنيين وسنيين


كان نفسي اقولك كل حاجه في الوقت المناسب

كان نفسي اقولك ولكلامي ماكنتش حاسب


ياه لو كنت قولت كلامي افتح قلبي وابوح

ياه لو كنت قولت قبل ما تروح


من زمان وقالوا الصبر مفتاح الفرج

صبرت جامد حتي الصبر منك اتحرج


عذاب الألم اللي اتلضم ويا خيط الزعل

خلي شيطاني حتي ندم عاللي مني اتفعل



فأهم حاجه في التوبه النصوحه يكون الندم

مش هوصفلك شكل الشرخ اللي فيا اترسم

شرخ كان بألم جوا قلب حلم

اتغير وشوفت فيه انسان كان أصله صنم



يرضيكي تمشي وتفارقي وفي ماضيه تكوني

بعد اما كنتي كل حاجة من عقلي وجنوني


لا مش اختيارك ما أنتي لازم تسمعيني

القرار قرارك بس لازم تفهميني



ايوه مش هخبي حاولت انسي واكابر

وفي كل مره كبري كان عليا فيها صابر



ياما حاش كلامه ياما ياما سكت

وياما كان يلومني ان عيونها بكت



وكنت اصرخ واقوله ده أنت كبريائي

ودايما رده واحد أصل هيا دائي

كل داء وليه صنف علاج ودوا

بس فين تلاقي دوا للهوا


أنا اللي فيا كوم وانتي كوم وكفه

كل العالم يهون بس الدنيا تصفي

وعد من الليله دي خنجر جوا صدري

انك لو سامحتي نهر روحي تاني يجري

ويشيل حمل المراكب علي طول الشراع

ويغني للحبايب بكفايه العمر اللي ضاع

اصلك أنتي غيرهم أنتي كل حاجة

وهما حاجه واحده باختصار سذاجة

عارفك مش هتمشي ولا هتودعيني

جايلك تاني اطلب لو بس تسمعيني

لو بس تسمعيني

ياه لو كنت قولت كلامي ٱفتح قلبي وأبوح

ياه لو كنت قولت قبل ما تروح


ما بين لقانا والفراق كانوا ثانيتين

ما بين فراقنا واللقا سنين وسنين