أغنية سلمية

كلمات والقاء : محمد الجبوري
توزيع: حيدر كيتارا

كلمات الاغنية
..
كافي اسكوت عادي نموت..احنة اربات الحرية
للتحرير للتغيير
صحنـة وگلنا سلمية
لا منخاف من العاف طلعتنا مليوونية
عدنا ارجال چنها اجبال..ومتهزها الدخانية

اغلى من امي وابوية عندي گاعي
وبغربتي العلم خليتة متااي
لجل هاي الدار
ماتهمني النار
وعمري لجل الوطن ماغير طباعي

روحي فدوة اذبها لولادي واخوتي
غالي بس الهم نعم رخصتة موتي
عادي دمعي يطيح
روحي تبقى تصيح
واعلى من الغيم لا ماينصى صوتي

عشت بزود..ماموجود الا بكاعك يعراقي
لا منهاب من طلقات••شديتة بغيرة انطاقي

من اسنين مقهورين..متعذبيت..بموطنَّة
عشنا بحال ماينگال..محد بيهم..يرحمنّـة
يمتة ارتاح..كافي اجراح..محد فكّـر بحوالي
عادي نصيح..من انطيح..ياوسفة يطيح الغالي

اني متظاهر نعم لجل القضية
وغير اسم بلادي ماعندي هوية
يمـة ادعي بخير
وانـي بالتحـرير
يمة شالتني لجل گاعي الحميـة


شاب بس الوطن ماارفض نداءة
ومن اليعادينـي اعلنت البراءة
عيـب انـي انــهز
وگلبي وسفة انعز
اي هويتي الوطن ماغير الهوية