كلمات اغنية "الفراق المنتظر"
قالت حبيبي قلت أنا اليوم شفقان
على الفراق اللي من العام ناويه
قالت حرام افراقنا قلت من شان
انهي الغرام اللي كوتني لياليه
قالت تريث يمكن تكون غلطان
راجع قرارك قبل تصدر معانيه
يمكن قرارك ماخذه وأنت زعلان
وقت الزعل ما تازن اللي تطريه
قلت ابعدي ما قلته اليوم ندمان
بعدك مناي وقربك اليوم ما أبيه
وشفي غرامك غير ذل وحقران
بالعكس فرح بالمفارق وراضيه
قالت غلاك اللي على غيرنا بان
وشلون بقدر يا عيوني اخافيه
الذنب ذنبك لا تجازين بإحسان
بإحسان مثل فعل يمناك قاسيه
عيشي حياتك دوري غيري إنسان
من نفس طبعك يكفر القلب ما فيه
عيشي على الذكرى عسى دمع الأعيان
يبين في مجرى خدودك مواريه