أغنية فارس أحلامي

فارس احلامي اللى فى بالي .. نفسي ميجرحنيش وما يرتحش إلا في احضاني .. ابدا ميخونيش

بتفرج على الناس من برا .. شايفه بعيني حقايق مرة
ده بيحب دي علشان حاجة .. ودي بتحبه عشان مضطرة
جمبها بس عنيه على غيرها .. مبيعملش حساب مشاعرها
بالنسباله مجرد لعبة .. اول ممتملكها خسرها

فارس احلامي اللى فى بالي .. نفسي ميجرحنيش
وما يرتحش إلا في احضاني .. ابدا ميخونيش
لو هيعيش العمر عشاني .. يومها عشانه هعيش
وابقي جمبه ومعاه

---

هى كمان وياه مكبوته .. شايفه عمايله ومش مبسوطه
ساكته عشان المركب تمشى .. غصب عنها بيه مربوطه
لو بالصدفه فى يوم فرحها .. بعد شويه يا دوب يجرحها
بقى ده اللى زمان ياما وعدها .. هيعمل كل اللى يريحها

فارس احلامي اللى فى بالي .. نفسي ميجرحنيش
وما يرتحش إلا في احضاني .. ابدا ميخونيش
لو هيعيش العمر عشاني .. يومها عشانه هعيش
وابقي جمبه ومعاه