أغنية وكبرنا

وديع الصافي

ضميري مش مرتاح وقلبي مش مرتاح حاسس اني ضايع
ومضيع المفتاح افكاري قلقانه وعينيي سهرانه
حاسس انك يا بنتي ما عدتي انتي انتي
حاسس انك تعبانه حاسس انك زعلانه
عم شوف بعينيك غيوم سوده عم تشتي هموم
يمكن انا غلطان يمكن انتي غلطانه

نجوى كرم

احساسك بمحلو يا بيي احساسك بجلو وعن اذنك بدي قلو
بنتك صارت صبيه كل ما غيمه سوده قبالي
مرقت شو بتخطر ع بالي تخطر ع بالي كلماتك
تخطر ع بالي نظراتك وارجع ع رزنامه عمري
راجع اول صفحه بعمري صغيره وبتعوظني من كتاب
بيحكي الدنيا نعاج دياب وما وافق يا بيي بيي
وشو تعيط عليي

وديع الصافي

ايه يا بنتي لما صغيره كنتي
خبيتك تحت جناحي خبيتك تترتاحي
وكبيره هلىء صرتي صرتي انتي جناحي
بحلف بعينيك من كتر خوفي بوقتها عليك
كنت ارسملك صور واخبار ذاعت بقلبي حاوطك داير مادار
وتبقي عطر زنبق معبى بدار وتكبري بعين الكل
وتبقى صغيره بعينيي

نجوى كرم

وكبرنا يا بيي
وكبرت فينا الايام مسؤوليه كبرت معانا وكبرت الاحلام
كرمالي يا بيي شاركني المسؤوليه
ايه ايه يا بيي

وديع الصافي

لا تخافي يا بنتي يا زهره عينيي
وحدك ما بخليك بعرف صرتي صبيه
وصار لازم خاويك

نجوى كرم

بحاول ما خبي عليك
ولغيرك ما اشكي بتطلع بعينيك
بحسك عم تفهمني من قبل ما احكي
صعبه وحدي كفي الدرب واخدو مني فرح الحب
خطفو مني قلب الام وسرقو مني الضحكه

وديع الصافي

مش عم صدق شو عم بسمع حاسس قلبي بلش يدمع

نجوى كرم

اخدو صوتي لمين بغني خطفو لون دموعي مني
حرمو عيوني تبكي ساعدني يا بيي ما تتركني يا بيي
ردلي ع قلبي الضحكه

وديع الصافي

راح ترجعلك الضحكه وايام الهنا
وعنك مش راح اتخلى ولا دقيقه انا ومش راح خلي تطول النطره
والليل قابل ع بكره ع قلبك راح رد الضحكه
راح ردها انا

نجوى كرم

ماكان عندي شك يا بيي
انو ازا حكينا اخدنا وعطينا
راح افهم عليك
وراح تفهم عليي
ايه يا بيي

وديع الصافي

ايه يا بنتي