أغنية زارني بعد العصر

زارني بعد العصر عندي حضر
بس ما طول قعد له ساعتين
يوم سلمت شمسنا عني ضهر
قلت وين تبغى تمهل يا ضنين

قاللي خايف من اقول البشر
خايف العدوان تفرقنا سنين
قلت له يا سيدي لك الأمر
خلني اوصلك بس قلي وين

قاللي ساكن انا جنب القصر
في بيوت الشعب وباني طابقين
حين وصلته وقفنا نختصر
في كلام بيننا احنا الثنين

قلتله امتا تعود لي يا قمر
قال لي يوم التلاهى مقضيين
ودعني وراح وضيعت الفكر
قمنت اتصدد يساري واليمين

دمع عيني فوق خديني انتثر
خرس هدومي وانا واقف حزين
حبهم في كل اعضاي انتشر
وغيرهم والله مابهوى حسين

وكيف ما عملوا بي هم لي ذخر
ولا علي من كلام العاذلين
ولا اريد حد يجيب منهم خبر
انا بوصلهم بعد ساعه وحين

ولو دقيقه واحده باخذ فكر
عندهم اجي او يجون وين
بانخلي كل حسادنا في بحر
ونبقا نحنا في بحرنا سابحين

ومن دخل بحر الهوى شاف الخطر
والهوى اهله اكيد مخطرين
بانجاهد حبنا حتى النصر
طالبين الله يكون النا معين