أغنية من غير ليه

ياللي زماني رماني في بحر عنيك ونساني وقال لي انساني بحر عنيك يا حبيبي غريق لكن فيه احلى ليالي زماني

جايين الدنيا ما نعرف ليه ولا رايحين فين ولا عايزين ايه
مشاوير مرسومه لخطاوينا نمشيها في غربة ليالينا
يوم تفرحنا ويوم تجرحنا واحنا ولا احنا عارفين ليه
وزي ما جينا جينا ومش بايدينا جينا
زي ما رمشك خذ ليالي وحكم وامر فيها وفي
ولقيت بيتي يبقى عن الغربة بقلبك دق وعيونك دي
ولقيت روحي فأحضان قلبك
باحلم واصحى واعيش على حبك
حتى في عز عذابي بحبك عارف ليه من غير ليه
من غير ليه آه يا حبيبي بحبك

ياللي زماني رماني في بحر عنيك ونساني وقال لي انساني
بحر عنيك يا حبيبي غريق لكن فيه احلى ليالي زماني
تهت وتاهت دنيتي مني بين افراحي وبين اشجاني
دنيتي غنوة لأ تنهيدة لأ
لأ شيء تاني لأ شيء تاني
دنيتي حبك حاجه حاسسها لامسها شايفها
لكن ولا اوصاف توصفها
واحلم لو غمضت عنيه احلام حلوه كتير ورديه
فيها عيون وخدود وشفايف بتطير في فوق ليالي
لما بشوفك القاك احلى من الاحلام كل الاحلام
ياللي عينيك سهرت الدنيا ورمشك حضن السحر ونام
وده ليه يا ترى يجرى لي اللي جرى
واما بفكراسقيك اكثر مابتسقيني الحب ليالي
ما لقاش فرحه جات على بالي الا وحبك فرحها لي

حبيبي آه يا حبيبي كل مافيك يا حبيبي حبيبي
شعرك ليلي جبينك قمري حبك رحلة عمري وقدري
ليلي حلي عمري حلي وكل شيء بالكون حلي
لكن هناك تنهيده في القلب اللي م الخوف ما خلي
يقول يا فرحة اتمهلي وتمهلي وتمهلي
ده المبتلي بالحب مهما تهنى برضوا مبتلي
خايف طيور الحب تهجر عشها وترحل بعيد
خايف على بحر الدفا ليلة شتا يصبح جليد
خايف لا بكره يجينا ياخذنا من ليالينا
سكة عذاب تاه فيها احباب كثير قبلينا
عارف كل الخوف من بكره ده ليه يا حبيبي
عارف سر عذابي وحيرتي ده ايه يا حبيبي
علشان انت الروح في الدنيا اللي بعيش فيها
وانا من غيرك كل حياتي تضيع بعديها

وزي ما جينا جينا

مش معقول يا حبيبي ابدا مش معقول
القدر اللي هداني بحبك يوم من الايام يبقى عذول
مش معقول حبنا يا حياتي يقدر يقسى وينسى احبابه
بعد ما كنا في حضنه ليلاتي نرجع تاني نوقف على بابه
روح يا حزن روح اوعى تقرب لينا ده
احنا حبايب حبنا مهنينا والحب روحنا وارضنا وسمانا
ويا حزن قول لي منين بقى ح تجينا علي بيتنا بالحب
النجوم متجمعه على بابنا شجرة ورد حلوه مفرعه
على كل شباك الف شمعه مولعه
ويا حزن قولي منين بقى ح تجينا
روح يا حزن روح اوعى تقرب لينا
يا عيون قلبي يا احلى عيون يالله نعيش وكفايه ظنون
يالله نخلي عمرنا كله ليله بعيده عن الحرمان وعن الاحزان
وان لام حد علينا نقول له لولا الحب ما كان في الدنيا ولا انسان