أغنية كل صيف

يدق الشوق في قلبي دفوف
تهيأ للسفر وقت المصيف
تزايد بين الأضلاع الرجوف
وانا من حر وجدي يالطيف

تهيضني من النسمة هفوف
شذى من جوهم بارد لطيف
يزاحم خاطري شوق عصوف
و قلبي من العنا غادي رهيف

انا مشتاقة اعيوني تشوف
ملاك في خفوقي له وصيف
هويتك بهوى القلب الشغوف
مشاعر ود ما اعرف و كيف

تمر الناس في عيني ضيوف
ولا غيرك له الشان المنيف
اذا عين الغلا تبغي تشوف
نكحلها بشوفك كل صيف